Rap廣州-《乜都拆，廣州話唔可以拆！》

《廣州话》

一齐嚟唱返一首属于廣州人嘅歌
我哋唔讲咁多 我哋唔使啰嗦
廣州文化绝对经得起考验一直传播
.
一齐嚟唱返一首属于廣州话嘅歌
我哋一齐拍和 唔讲bo po mo fo
紧靠住珠江河 睇住万家灯火
相信廣州话一定会继续开花结果
.
等我嚟话你听么嘢叫做廣州话
九个声道千年历史绝对系冇花冇假
我唱呢一首歌唔系想讲啲么叉么叉
只系想讲粤语始终代表住廣州文化
.
虽然话而家好似搞到道道伤疤
但系呢个羊城一直都系我哋嘅家
唔理系多哒瘌 定抑或充满风沙
只要同心协力一定会再见到木棉花
.
2010亚运就到我哋都需要知道
嚟到廣州呢道学两句粤语都真系几好
"汶水" "湿滞" "孤寒" "铎缩"普通话点表达到
廣州话学得好 多得我老窦老母
.
东山洋楼西关大屋重有机会睇到
而家宵夜重可唔可以去返恩宁路
家阵行多两步 都唔知身处边道
如果连廣州话都冇埋 唉 点算
.
啦 啦啦
一句一句的哼唱廣州话
一秒一秒的看廣州变化
英语普语穿梭着闹市下 请不要忘记它啊
一句一句的说唱廣州话 请你不要讲佢说它老化
整日改变充满这大世代 这总算烙印吧
.
住咗廿年突然 谂返起以前
属于我哋廣州真系几大转变
三岁嗰年住系惠福西路旁边
成家同牛三星有相当怀念
.
后尾搬咗去中山四路住骑楼
添美食致美斋就系我屋企门口
一个系快餐先驱 一个专卖酱汁豉油
但系今时今日依然避唔开被人拆走
.
系咪搞好市容实要拆迁
办好亚运真系唔拆唔掂
啲新闻重报道啲工程用咗几钱几钱
用几钱又点啫你哋又知唔知道
而家拆迁唔应该叫整饰
因为佢拆走晒我哋嘅回忆
.
家阵讲廣州话 都重要被人挑剔
我真系想知你哋究竟受咗啲么嘢刺激
.
原来突然眨下眼已经过咗廿年
以前嗰年杨箕村 迟啲都拆成一片
每一年嘅宣传都话一年一小变
变嘅 好似系多咗啲公厕小便
.
系我哋要求太高
定系有啲人冇事揾事嚟做
有人重加离谱 不停坚持推普
又冇话唔畀你推何必迫粤语走向一条绝路
.
而家细蚊仔 学校要讲普通话屋企唔讲廣州话
难怪要佢借乜佢会话「哈?」
儿歌《落雨大》 家阵道道都水浸街
难怪外省朋友识唱嗰首「点解点解」
而家话度度都拆 连廣州话都要拆
街又要拆 最后变么嘢风格
.
唉
廣州呢个地方 经历过太多沧桑
睇住呢条珠江 唱返两句廣州儿歌
「月光光 照地堂 廣州话咁精彩 点会灭亡」
.
用呢首廣州话嘅歌送俾我哋嘅廣州～

廣州精神 劲啊